सावंतवाडी : तालुक्यातील कारिवडे येथील साई सुरभी हॉटेल वळणावर गुरुवारी सकाळी सात वाजता मोटरसायकल व कॅन्टर या दोघांमध्ये अपघात झाला. रस्त्याचा अंदाज चुकल्याने कागल कन्नूर येथील ओमकार अंकुश जगताप (वय 25) याने कॅन्टरला मागून जोरदार धडक दिली व तो रस्त्याच्या बाहेर फेकला गेला. याची तात्काळ माहिती एसटी कर्मचारी बी. एल. कासार यांनी सामाजिक बांधिलकीचे रवी जाधव यांना दिली असता सामाजिक बांधिलकी प्रतिष्ठानचे रवी जाधव यांनी तेथील ग्रामस्थ व 108 च्या मदतीने त्या युवकाला सावंतवाडी उपजिल्हा रुग्णालयामध्ये प्राथमिक उपचारासाठी दाखल केले. मात्र त्याच्या डोक्याला,हाताला, पायाला व बरगड्यांना गंभीर दुखापत झाली असून त्यांच्या नातेवाईकांना याची कल्पना दिली.
परंतु कागलवरून नातेवाईपर्यंत तीन तास होणार होते. त्यामुळे नातेवाईकांची वाट न पाहता अधिक उपचारासाठी गोवा बांबोळी येथे त्या युवकाला नेण्यासाठी जबाबदारी सामाजिक कार्यकर्ते रवी जाधव व लक्ष्मण कदम यांनी स्वीकारली व त्यांनी गोवा येथे सदर रूग्णाला दाखल केले.
