सावंतवाडी : तालुक्यातील कोलगाव व आंबेगाव येथे महाअ‍ॅग्री सीड्स कंपनीचा ‘महान’ या वाणाचा पीक पाहणी कार्यक्रम यशस्वीरित्या पार पडला. कोलगाव गावातील शेतकरी मोहन बाबना ठाकूर व आंबेगावमधील शेतकरी सीताराम शंकर परब यांनी आपल्या शेतात अंकुर कृषी सेवा केंद्र, कोलगाव याच्या माध्यमातून मिळालेल्या ‘महान’ या वाणाची लागवड आपल्या शेतात केली.
या पिकाची योग्यरित्या जोपासणी केली असता त्यांना या वाणाचा उत्तम रिझल्ट मिळाला. महाअ‍ॅग्री कंपनीने संशोधित केलेले ‘महान’ ह्या भाताच्या वणाचा कालावधी 130-135 दिवस असून अतिशय फाईन असे सुधारित वाण असून त्याशिवाय उत्पन्नही चांगल्या प्रकारचे देते. वाणाला उंचीही चांगली असून कोकणातील जमिनीला साजेसे असे हे सुधारित वाण आहे.
या कार्यक्रमाला दोन्ही गावातील शेतकऱ्यांचा उत्तम प्रतिसाद लाभल्याबद्दल महाअ‍ॅग्री कंपनीचे अभिषेक चव्हाण व अंकुर कृषी सेवा कोलगावचे मुकेश ठाकूर यांनी शेतकऱ्यांचे आभार मानले. कार्यक्रमात उपकृषी अधिकारी यशवंत आप्पासाहेब गव्हाणे व सहाय्यक कृषी अधिकारी कोलगाव अक्षय नाना चव्हाण यांनी विविध योजनाविषयी मार्गदर्शन केले.
