सिंधुदुर्गनगरी : बुधवार दि. १५ जानेवारी २०२५ रोजी राज्य क्रीडा दिनाच्या औचित्याने जिल्हा क्रीडा अधिकारी कार्यालय सिंधुदुर्ग यांच्या वतीने निवासी उपजिल्हाधिकारी मच्छिंद्र सुकटे यांच्या हस्ते सन २०२४-२५ या वर्षात तामिळनाडू येथे होणाऱ्या राष्ट्रीय कॅरम स्पर्धेसाठी निवड झाल्याबद्दल माध्यमिक विद्यामंदिर कनेडीची विद्यार्थिनी कु. श्रेया राजेंद्र महाडीक, तिचे कॅरम प्रशिक्षक श्री. मकरंद आपटे व तिचे पालक यांचा जिल्हा क्रीडा अधिकारी कार्यालय सिंधुदुर्गनगरी येथे सत्कार करण्यात आला व श्रेयाला राष्ट्रीय स्पर्धेसाठी शुभेच्छा देण्यात आल्या.
तसेच शालेय कराटे स्पर्धेत राज्यस्तरावर कांस्यपदक पटकावलेल्या माध्यमिक विद्यामंदिर कनेडीची विद्यार्थिनी कु. सृष्टी जयवंत गुडेकर, प्रशालेतील शिक्षक श्री. मकरंद आपटे व तिचे पालक यांचा जिल्हा क्रीडा अधिकारी कार्यालय सिंधुदुर्गनगरी येथे सत्कार करण्यात आला.
ADVT –
