सावंतवाडी : गेल्या वर्षी येथील सामाजिक बांधिलकीच्या पुढाकारातून तसेच माजी मंत्री दीपकभाई केसरकर मित्र मंडळ पुरस्कृत सामाजिक बांधिलकी प्रतिष्ठान, इनरव्हील क्लब व रोटरी क्लब यांच्या संयुक्त विद्यमानाने सहा दिवस मनोरंजनात्मक कार्यक्रम घेऊन अगदी उत्साहात महोत्सव पार पडला होता. आज १२ डिसेंबर उजाडला परंतु महोत्सव होण्याबाबतची चर्चा कुठेही होताना दिसत नाही. व्यापारी वर्ग व शहरवासीयांकडून सामाजिक बांधिलकी प्रतिष्ठानला मात्र वारंवार याबाबत विचारणा होत आहे की यावेळी महोत्सव घेणार का?,
तरी याही वर्षी नववर्षाच्या स्वागतासाठी व शहरवासीयांच्या आनंदोत्सवासाठी आमदार दीपक केसरकर यांनी मोठ्या दिमाखात मनोरंजनात्मक कार्यक्रमांचा महोत्सव घेऊन व्यापारी वर्ग व शहरवासीयांची इच्छा पूर्ण करावी, अशी मागणी सामाजिक बांधिलकी प्रतिष्ठानच्या माध्यमातून रवी जाधव यांनी केली आहे.
ADVT-
