चिपळूण प्लास्टिक मुक्त करण्यासाठी अभिनेता ओंकार भोजनेच्या उपस्थितीत मोहीम! ; दोन तासात ६.२७९ टन कचरा संकलित.

चिपळूण : शहराच्या पूरमुक्तीकरीता जे छोटे मोठे प्रयत्न प्रशासनाकडून केले जात आहेत त्यापैकी एक म्हणजे प्लास्टिक संकलन मोहीम. अभिनेता ओंकार भोजने याच्या उपस्थितीत पूराच्या पाण्यासोबत वाहत जाऊन नाले व गटारे यामध्ये अडकणारा प्लास्टिक कचरा, बाटल्या, रॅपर्स व इतर कचरा यांची संकलन मोहिम आज चिपळूण शहरामध्ये राबविण्यात आली.

या मोहिमेत १३ शाळा, सर्व शासकीय कार्यालये, सामाजिक संस्था व नागरिक यांचेसह २५०० ते ३००० लोक सहभागी झालेले होते. कचरा संकलन व जनजागृती या दोन उद्देशाने केलेल्या या संकलन मोहिमेत आज शुक्रवारी सकाळी ८ ते १० या वेळेत ६.२७९ टन इतका कचरा संकलित करण्यात आला.

६२७९ किलो कचऱ्याचे वर्गीकरण –
१) प्लास्टिक पिशव्या व रॅपर्स- १२२७ किलो
२) काचेच्या बाटल्या- २३५५ किलो
३) प्लास्टिक बाटल्या- १७२२ किलो
४) कापडी पिशव्या व कापड- ८२० किलो
५) थर्माकॅाल- १५५ किलो
गोळा करण्यात आला.