सावंतवाडी : गुरुवर्य बी एस नाईक मेमोरियल ट्रस्ट संचलित इंग्लिश मीडियम स्कूल तळवडे प्रशालेच्या विद्यार्थ्यांनी सावंतवाडी येथे आयोजित कॅरम स्पर्धा २०२५ मध्ये घवघवीत यश संपादन केले. ही स्पर्धा सिंधुदुर्ग डिस्ट्रिक्ट कॅरम असोसिएशनच्या सहयोगाने भरत अकॅडमी सावंतवाडी यांच्या माध्यमातून आयोजित करण्यात आली होती. सदर स्पर्धा आमदार मा. श्री. दीपकभाई केसरकर यांनी पुरस्कृत केली होती.
या स्पर्धेत इंग्लिश मीडियम स्कूल तळवडे प्रशालेच्या कु. आर्यन निलेश दळवी याने द्वितीय तर पियूष संजय परब याने तृतीय क्रमांक प्राप्त केला. त्यांना कॅरम प्रशिक्षक म्हणून श्री अश्फाक शेख यांचे मार्गदर्शन लाभले. त्यांच्या या यशाबद्दल प्रशालेच्या कार्यकारी अधिकारी सौ. मैथिली मनोज नाईक, प्रशालेचे मुख्याध्यापक श्री. अजय बांदेकर, उपमुख्याध्यापक, पर्यवेक्षक, सर्व शिक्षक तसेच शिक्षकेतर कर्मचारी यांनी अभिनंदन केले
