कणकवली : “शिका कोकणात, कमवा मुंबईत” हे प्रेरणादायी ब्रीदवाक्य घेऊन कार्यरत असलेली ज्ञान जिज्ञासा फाऊंडेशन व फ्लोरेट कॉलेज ऑफ डिझाईनिंग, कणकवली ही शैक्षणिक संस्था नेहमीच नव्या वाटा शोधत विद्यार्थ्यांना घडविण्याचे कार्य करत आहे. या संस्थेच्या वतीने यंदाचा आदर्श शिक्षक गौरव पुरस्कार जाहीर करण्यात आला असून, समाजप्रबोधन व शिक्षण क्षेत्रात भरीव योगदान दिलेल्या मान्यवर शिक्षकांचा या पुरस्कारांतर्गत सन्मान होणार आहे.
‘हे’ मान्यवर ठरले ‘आदर्श शिक्षक’ –
1. मंदार यशवंत सुतार – कॉर्पोरेट ट्रेनर व शैक्षणिक नवोन्मेषक, मुंबई
2. सुमंत दत्ताराम दळवी – प्राचार्य, माध्यमिक विद्यामंदिर कनेडी कॉलेज ऑफ आर्ट्स, कॉमर्स अँड सायन्स
3. वामन रामचंद्र तर्फे – मुख्याध्यापक, त्रिमूर्ती माध्यमिक विद्यालय, शिरवंडे (ता. मालवण)
4. पी. जे. कांबळे – मुख्याध्यापक, विद्यामंदिर हायस्कूल, कणकवली
5. राखी देवदत्त अरदकर – कला शिक्षिका, टोपीवाला हायस्कूल, मालवण
6. दत्तात्रय मारुती केसरकर – गुरुकुल अकॅडेमी, कणकवली
ज्ञान जिज्ञासा फाऊंडेशनचे संस्थापक सचिन बोराटे व फ्लोरेट कॉलेजच्या संचालिका श्रीम. सार्था कदम यांनी या निवडीची घोषणा केली.
या पुरस्काराद्वारे शिक्षकांनी केलेल्या परिश्रमांना व सर्जनशील कार्याला योग्य सन्मान मिळणार असून, विद्यार्थ्यांना पुढे जाण्याची प्रेरणा मिळेल. कोकणातूनच ज्ञानाची नवी ज्योत प्रज्वलित करून, उद्योग व रोजगाराच्या संधी निर्माण करणे हा या संस्थेचा ध्यास आहे.
