चेन्नई : भारत आणि बांगलादेश यांच्यात दोन कसोटी सामन्यांची मालिका खेळली जात आहे. मालिकेतील पहिल्या सामन्यात टीम इंडियाने बांगलादेशचा 280 धावांच्या मोठ्या फरकाने पराभव केला आहे. या विजयासह टीम इंडियाने वर्ल्ड टेस्ट चॅम्पियनशिपच्या अंतिम सामन्यावरील आपला दावा आणखी मजबूत केला आहे.
वर्ल्ड टेस्ट चॅम्पियनशिपच्या फायनल मॅचमध्ये पोहोचण्यासाठी टीम इंडियाला किती मॅचेस जिंकावे लागतील?
वर्ल्ड टेस्ट चॅम्पियनशिप 2023-25 च्या पॉइंट टेबलमध्ये टीम इंडियाने आपली पकड आणखी मजबूत केली. बांगलादेशविरुद्धच्या विजयानंतर भारतीय क्रिकेट संघाचे 86 रेटिंग गुण झाले आहेत. 71.67 च्या या विजयाच्या टक्केवारीसह टीम इंडिया आघाडीवर आहे. आतापर्यंत भारताने वेस्ट इंडिजचा 1-0 आणि इंग्लंडचा 4-1 अशा फरकाने पराभव केला होता. आता टीम इंडियाने बांगलादेशला 2 कसोटी सामन्यांच्या मालिकेत 1-0 ने आघाडी घेतली आहे. टीम इंडियाला सध्या बांगलादेशविरुद्ध 1, न्यूझीलंडविरुद्ध 3 आणि ऑस्ट्रेलियाविरुद्ध 5 कसोटी सामना खेळायचा आहे. टीम इंडियाने आतापर्यंत दक्षिण आफ्रिकेसोबत केवळ 1-1 अशी बरोबरी साधली आहे. टीम इंडियाने या हंगामात एकही कसोटी मालिका गमावलेली नाही.
आता टीम इंडियाला किती सामने जिंकायचे?
आयसीसीच्या अहवालानुसार भारताला आता पुढील 9 पैकी किमान 6 सामने जिंकावे लागतील. यामध्ये भारत बांगलादेशविरुद्ध 1 आणि न्यूझीलंडविरुद्ध 3 कसोटी सामना त्यांच्या घरच्या मैदानावर खेळणार आहे. तर, संघाला 5 सामने परदेशी भूमीत म्हणजे ऑस्ट्रेलियात खेळायचे आहेत. अंतिम फेरीत पोहोचण्यासाठी भारताला आयसीसी वर्ल्ड टेस्ट चॅम्पियनशिपच्या गुणतालिकेत अव्वल-2 मध्ये असणे आवश्यक आहे. भारताने 5 सामने जिंकले आणि 1 सामना अनिर्णित राहिला तरीही संघाला अंतिम फेरीचे तिकीट मिळेल.
इतर संघांची काय आहे स्थिती?
आयसीसी वर्ल्ड टेस्ट चॅम्पियनशिप 2023-25 च्या पॉइंट टेबलमध्ये ऑस्ट्रेलिया दुसऱ्या स्थानावर आहे. अंतिम फेरी गाठण्यासाठी ऑस्ट्रेलियाला 4 सामने जिंकावे लागतील किंवा 3 सामने जिंकावे लागतील आणि 1 सामना अनिर्णित ठेवावा लागेल. त्याचबरोबर न्यूझीलंड क्रिकेट संघ तिसऱ्या स्थानावर आहे, ज्याचे 8 सामने बाकी आहेत. अंतिम फेरी गाठण्यासाठी न्यूझीलंडला 6 सामने जिंकावे लागतील किंवा 5 सामने जिंकावे लागतील आणि 1 अनिर्णित ठेवावा ला
