सावंतवाडी : आज आषाढी एकादशी संपूर्ण महाराष्ट्रात पांडुरंगाचा गजर केला जात आहे. सावंतवाडीत देखील ऐतिहासिक विठ्ठल मंदिरात आज पहाटे विठ्ठलाची पूजा करण्यात आली. माजी मंत्री तथा आमदार दीपक केसरकर यांच्या हस्ते पांडुरंगाचे पूजन व आरती करण्यात आली.
यावेळी आमदार दीपक केसरकर यांनी हाती टाळ घेत मनोभावे माऊलीचा गजर केला. तसेच संपूर्ण महाराष्ट्रवासियांसाठी आणि कोकणच्या सुख-समृद्धीसाठी त्यांनी विठ्ठलाला साकडे घातले. यावेळी शिवसेना जिल्हाप्रमुख संजू परब तसेच शिवसेनेचे पदाधिकारी व युवा सेना पदाधिकारी, कार्यकर्ते, भाविक भक्त आदि उपस्थित होते.
