कुडाळ : कुडाळ- मालवण मतदार संघाचे आमदार निलेश राणे व शिवसेना जिल्हाध्यक्ष दत्ता सामंत यांच्या माध्यमातून तसेच सरपंच सौ.वंदना आरेकर,शिवसेना कार्यकर्ता शिवाजी आरेकर यांच्या पुढाकारातून नालेली गावातील ७७ महीला व ४ पुरूष अशी ८१ मंडळींना अक्कलकोट, नरसोबाची वाडी,तुळजापूर,पंढरपूर आदी ठिकाणची मोफत सहल आयोजित करण्यात आली. आज सकाळी नानेली सातेरी मंदिर येथून यात्रेचा शुभारंभ करण्यात आला.
जिल्हाध्यक्ष दत्ता सामंत म्हणाले की, कुडाळ – मालवण मतदारसंघातून निलेश राणे विजयी झाल्यावर महीलांना मोफत देवदर्शन सहल घडवून आणेन,असे अभिवचन दिले होते. त्याचीच पूर्तता म्हणून एकूण २ दिवसांची सहल आयोजित करण्यात आली. त्यामुळे नानेली मधील महिला मंडळीमधून उत्साहाचे वातावरण निर्माण झाले आहे.
