मुंबई : ग्रामीण विकास आणि शेतीशी संबंधित देशातील सर्वात मोठ्या वित्तीय संस्थांपैकी एक असलेल्या राष्ट्रीय कृषी आणि ग्रामीण विकास बँकने तरुण आणि अनुभवी व्यावसायिकांसाठी एक मोठी भरती मोहीम जाहीर केली आहे. नाबार्डने विविध विभागांमध्ये विशेषज्ञ पदांसाठी अर्ज मागवले आहेत. ही भरती मोहीम विशेषतः बँकिंग, जोखीम व्यवस्थापन, वित्त, डेटा विश्लेषण आणि तांत्रिक क्षेत्रात अनुभव असलेल्या आणि एखाद्या प्रतिष्ठित संस्थेसोबत काम करू इच्छिणाऱ्यांसाठी आहे. नाबार्डची ही भरती कायमस्वरूपी नसून कंत्राटी पद्धतीने असणार आहे. यांची अर्जदारांनी नोंद घ्यावी. निवडलेल्या उमेदवारांना सुरुवातीला दोन वर्षांच्या कालावधीसाठी नियुक्त केले जाईल. त्यानंतर अर्जदाऱ्यांचा गरजा आणि कामगिरीनुसार हा कालावधी तीन वर्षांपर्यंत वाढवता येणार आहे. मोठ्या संस्थेत दीर्घकालीन व्यावसायिक काम करू इच्छिणाऱ्यांसाठी ही एक आदर्श संधी आहे.
कोणत्या पदांसाठी भरती केली जाते?
कोण अर्ज करू शकतो?
नाबार्डच्या या भरतीसाठी केवळ उच्च शिक्षण आणि संबंधित क्षेत्रात अनुभव असलेले उमेदवारच अर्ज करण्यास पात्र आहेत. वेगवेगळ्या पदांसाठी वेगवेगळी पात्रता आहे.
अतिरिक्त मुख्य जोखीम व्यवस्थापक पदासाठी, उमेदवार पदवीधर असणे आवश्यक आहे आणि अर्थशास्त्र, वित्त, सांख्यिकी, व्यवसाय प्रशासन, एमबीए, सीए किंवा सीएस या विषयात पदवी असणे आवश्यक आहे. या पदासाठी किमान 10 वर्षांचा बँकिंग अनुभव आवश्यक आहे.
जोखीम व्यवस्थापक पदांसाठी उमेदवारांकडे वित्त, वाणिज्य, अर्थशास्त्र, सांख्यिकी, गणित किंवा अभियांत्रिकी या विषयात पदवी आणि किमान पाच वर्षांचा अनुभव असणे आवश्यक आहे.
मार्केट रिस्क मॅनेजर सारख्या पदांसाठीही अशीच पात्रता ठेवण्यात आली आहे, जिथे पदव्युत्तर पदवी किंवा एमबीएसह अनुभव आवश्यक आहे.
याशिवाय, वित्तीय विश्लेषक, डेटा सायंटिस्ट, प्रोजेक्ट मॅनेजर, वरिष्ठ सल्लागार, स्टार्टअप मॅनेजर आणि जिओग्राफिकल इंडिकेशन मॅनेजर यासारख्या पदांसाठी संबंधित क्षेत्रात शिक्षण आणि अनुभव असणे देखील आवश्यक आहे.
वयोमर्यादा किती आहे?
या नाबार्ड भरतीसाठी अर्ज करणाऱ्या उमेदवारांचे किमान वय 28 वर्षे आणि कमाल वय 62 वर्षे अशी वयोमर्यादा ठेवण्यात आली आहे. राखीव श्रेणीतील उमेदवारांना सरकारी नियमांनुसार वयात सूट दिली जाईल.
किती पगार मिळेल?
या भरतीतील सर्वात महत्त्वाचा पैलू म्हणजे उमेदवारांचा पगार. नाबार्डसाठी निवड झालेल्या उमेदवारांना त्यांच्या पदानुसार दरमहा 1.50 लाख ते 3.85 लाखांपर्यंत पगार मिळण्याची अपेक्षा आहे. हा पगार अनुभव आणि जबाबदाऱ्यांनुसार निश्चित केला जाईल. बँकिंग क्षेत्रात हे पॅकेज खूपच आकर्षक मानले जाते.
निवड कशी होईल?
या पदांसाठी उमेदवारांची निवड केवळ मुलाखतीद्वारे केली जाईल. कोणतीही लेखी परीक्षा घेतली जाणार नाही. मुलाखतीत उमेदवाराचा अनुभव, नोकरीची समज आणि व्यावसायिक कौशल्ये यांचे मूल्यांकन केले जाईल.
अर्ज शुल्क किती आहे?
उमेदवारांना अर्ज करण्यासाठी शुल्क भरावे लागेल. सामान्य आणि इतर श्रेणींसाठी शुल्क 850 रूपये आहे. अनुसूचित जाती, जमाती आणि दिव्यांग उमेदवारांसाठी अर्ज शुल्क मात्र 150 रूपये आहे.
अर्ज कसा करायचा?
या नाबार्ड भरतीसाठी अर्ज पूर्णपणे ऑनलाईन करणे आवश्यक आहे. उमेदवारांनी नाबार्डची अधिकृत वेबसाइट www.nabcons.com ला भेट द्यावी आणि करिअर विभागातील संबंधित भरती लिंकवर क्लिक करावे. नवीन उमेदवारांनी प्रथम नोंदणी करावी, त्यांची माहिती भरावी आणि शुल्क भरावे. अर्ज भरल्यानंतर फॉर्मची एक प्रत डाउनलोड करा आणि ती जपून ठेवा.
