सावंतवाडी : वाढदिवस म्हणजे केवळ शुभेच्छांचा वर्षाव नव्हे, तर समाजऋण फेडण्याची आणि जनसेवेचा वसा अधिक दृढ करण्याची संधी! याच विचाराला कृतीची जोड देत भाजपचे महाराष्ट्र प्रदेश युवा नेते विशाल प्रभाकर परब यांच्या वाढदिवसानिमित्त सिंधुदुर्ग जिल्ह्यात सेवाभावी उपक्रमांची व्यापक पर्वणी आयोजित करण्यात आली आहे. पंतप्रधान नरेंद्र मोदी यांच्या वाढदिवसानिमित्त राबविण्यात येणाऱ्या ‘सेवा संकल्प अभियान–२०२६’च्या अनुषंगाने जिल्ह्यात विविध ठिकाणी भव्य महाआरोग्य शिबिरे, मोफत आरोग्य तपासणी आणि जनसेवेचे उपक्रम आयोजित करण्यात आले आहेत.
राजकारणाच्या पलीकडे जाऊन समाजहिताला प्राधान्य देणाऱ्या या उपक्रमांतून आरोग्यसेवेचा लाभ सर्वसामान्य नागरिकांपर्यंत पोहोचविण्याचा प्रयत्न करण्यात येत आहे. भाजपचे प्रदेशाध्यक्ष श्री. रवींद्रजी चव्हाण, पालकमंत्री तथा राज्याचे मत्स्यव्यवसाय व बंदरे मंत्री श्री. नितेश राणे यांच्या मार्गदर्शनाखाली आणि विशाल परब यांच्या वाढदिवसानिमित्त या सेवाभावी अभियानाचे आयोजन करण्यात आले आहे.
जिल्ह्याच्या कानाकोपऱ्यात आरोग्यसेवेचा जागर!
सिंधुदुर्ग जिल्ह्यातील विविध तालुके आणि शहरांमध्ये ११ ते १७ ऑक्टोबरदरम्यान नियोजित कार्यक्रमांच्या माध्यमातून आरोग्यसेवेचा संकल्प जनतेपर्यंत पोहोचविण्यात येणार आहे. ग्रामीण भागातील नागरिकांना आरोग्य तपासणीची सुविधा उपलब्ध व्हावी, आरोग्याबाबत जागरूकता वाढावी आणि गरजू रुग्णांना वेळेत मार्गदर्शन मिळावे, हा या उपक्रमामागील महत्त्वाचा हेतू आहे.
११ ऑक्टोबर रोजी मळेवाड येथे भाजप सिंधुदुर्ग व कै. सदाशिव सत्याराम मराठे सभागृह ट्रस्ट, मळेवाड यांच्या आयोजनातून कार्यक्रम होणार आहे. श्री. भास्कर सातोस्कर हे उद्घाटक असून श्री. परेश राऊळ प्रमुख पाहुणे म्हणून उपस्थित राहणार आहेत.
१२ ऑक्टोबर रोजी बांदा जिल्हा परिषद विभागात भाजप सिंधुदुर्ग व कोकण संस्था मुंबई यांच्या आयोजनातून आरोग्यविषयक उपक्रम होणार आहे. श्री. प्रमोद कामत हे उद्घाटक असून सौ. श्वेता कोरगावकर प्रमुख पाहुण्या म्हणून उपस्थित राहणार आहेत.
१३ ऑक्टोबर रोजी आंबोली जिल्हा परिषद विभागात भाजप सिंधुदुर्ग व शिक्षण प्रसारक मंडळ, आंबोली यांच्या पुढाकारातून कार्यक्रमाचे आयोजन करण्यात आले आहे. श्री. नितेश राऊळ उद्घाटक, तर सौ. सोनाली गुळगुळे प्रमुख पाहुण्या म्हणून उपस्थित राहणार आहेत.
याच दिवशी उभादांडा, तुळस, आडेली आणि वेंगुर्ला शहर परिसरातही भाजप सिंधुदुर्ग व स्थानिक संस्थांच्या सहकार्याने उपक्रमांचे आयोजन करण्यात आले आहे. श्री. प्रमोद जठार उद्घाटक असून श्री. शरद चव्हाण प्रमुख पाहुणे म्हणून उपस्थित राहणार आहेत.
१४ ऑक्टोबर रोजी माणगाव, साळेली-भडशी, मळेवाडी जिल्हा परिषद विभाग आणि वेंगुर्ला शहर परिसरात विविध उपक्रम होणार आहेत. ग्रामीण भागातील नागरिकांना आरोग्यसेवेचा लाभ मिळावा, यासाठी स्थानिक संस्थांचा सहभाग महत्त्वपूर्ण ठरणार आहे.
१५ ऑक्टोबर रोजी कोलगाव, माडखोल, माजगाव, इन्सुली जिल्हा परिषद विभाग तसेच सावंतवाडी शहर परिसरात कार्यक्रमांचे आयोजन करण्यात आले आहे. या उपक्रमातून आरोग्यविषयक जनजागृतीला चालना मिळण्याची अपेक्षा आहे.
१६ ऑक्टोबर रोजी तळवडे जिल्हा परिषद विभागात भाजप सिंधुदुर्ग व मराठा समाज ऐक्यवर्धक मंडळ यांच्या पुढाकारातून कार्यक्रम होणार आहे. श्री. अमोल निकम हे उद्घाटक, तर श्री. संदीप गावडे व श्री. गौरव मुळीक प्रमुख पाहुणे म्हणून उपस्थित राहणार आहेत.
१७ ऑक्टोबर रोजी शिरपण जिल्हा परिषद विभागात भाजप सिंधुदुर्ग व स्थानिक संस्थांच्या सहकार्याने कार्यक्रमांचे आयोजन करण्यात आले आहे. श्री. दिलीप पिरण हे उद्घाटक, तर श्री. सुहास गोडकर आणि श्री. नितीन सावंत प्रमुख पाहुणे म्हणून उपस्थित राहणार आहेत.
वाढदिवसाला समाजसेवेची सुंदर किनार!
वाढदिवसाच्या निमित्ताने होणारे हे उपक्रम म्हणजे केवळ औपचारिक कार्यक्रम नसून जनतेच्या आरोग्याची काळजी घेण्याचा आणि सामाजिक बांधिलकी जपण्याचा प्रयत्न आहे. ‘सेवा हीच खरी साधना आणि जनकल्याण हाच खरा उत्सव’ या भावनेतून राबविण्यात येणाऱ्या या अभियानामुळे सिंधुदुर्गात सामाजिक सहभागाचा नवा आदर्श निर्माण होण्याची अपेक्षा आहे.
विशाल परब यांच्या वाढदिवसानिमित्त आयोजित या आरोग्यसेवा अभियानातून नागरिकांना आरोग्य तपासणीची संधी मिळणार असून, सामाजिक संस्थांचा सहभाग आणि कार्यकर्त्यांचे सहकार्य यामुळे जनसेवेच्या कार्याला अधिक व्यापक स्वरूप प्राप्त होणार आहे.
वाढदिवसाच्या शुभेच्छांना सेवाकार्याची जोड देत, समाजहिताचा ध्यास आणि जनकल्याणाचा विश्वास अधिक दृढ करणारे हे अभियान सिंधुदुर्गाच्या सामाजिक जीवनात आरोग्यसेवेचा नवा अध्याय लिहिणारे ठरावे, हीच अपेक्षा!
