सावंतवाडी : खरीप हंगाम सन 2025-26 अंतर्गत क्रॉपसॅप संलग्न भात पीक शेतकरी शेतीशाळेच्या पहिल्या वर्गाचे मौजे घारपी या गावात आयोजन करण्यात आले. सदर कार्यक्रमाला प्रभारी मंडळ कृषी अधिकारी बांदा एस. ए. सरगुरु, कृषी पर्यवेक्षक श्रीमती छाया राऊळ, कृषी सहाय्यक मिलिंद निकम उपस्थित होते. सदर कार्यक्रमांमध्ये आय.सी.एम.टाळी, प्रतिज्ञा, खरीप हंगाम नियोजन भात लागवड पद्धती, हळद लागवड, नाचणी, वरी लागवड, फळबाग लागवड, शेततळ्यामधील मत्स्य उत्पादन, खेकडा पालन, आंबा फळमाशी ट्रॅपचा वापर, सेंद्रिय शेती इत्यादी विषयांवर मार्गदर्शन करण्यात आले. तसेच शेतकऱ्यांनी विचारलेल्या समस्यांचे निराकरण करण्यात आले. यावेळी घारपी गावातील शेतकऱ्यांना शेतकरी मासिकचे वाटप करण्यात आले.
घारपी सारख्या अतिदुर्गमध्ये जाऊन शेती शाळा घेणे म्हणजे खूप कठीण काम असते परंतू कृषी विभागामार्फत सहाय्यक कृषी अधिकारी श्री. निकम तसेच प्रभारी मंडळ कृषी अधिकारी श्री. सरगुरु व उप कृषी अधिकारी श्रीमती मनाली परब यांनी नियोजन केले.
ADVT –
📣 Admissions Open 📣 Admissions Open 📣 ❇️ 2025-26 (STD 6 to 9 & XI Sci.) – 🔶📚सिंधुदुर्ग सैनिक स्कूल🏇
