रवींद्र जडेजाचं दमदार विक्रमी शतक! ; नंबर १ ऑलराउंडरकडून धोनीचा ‘हा’ रेकॉर्ड ब्रेक.

जडेजाने शतकी खेळीत 5 षटकार ठोकले. जडेजा यासह महेंद्रसिंह धोनी याला मागे टाकत टीम इंडियासाठी टेस्ट क्रिकेटमध्ये सर्वाधिक सिक्स लगावणारा तिसरा बॅट्समन ठरला. जडेजाच्या नावावर आता 80 सिक्सची नोंद झाली आहे. तर धोनीने कसोटी कारकीर्दीत 76 षटकार लगावले होते. धोनीने 8104 चेंडूंचा सामना केल्यानंतर त्याला 76 सिक्स लगावता आले होते. तर जडेजाने 7 हजार 213 चेंडू खेळल्यानंतर 80 षटकारांचा टप्पा गाठला.

भारतासाठी सर्वाधिक षटकार –

भारतासाठी कसोटी क्रिकेटमध्ये सर्वाधिक षटकारांचा विक्रम हा संयुक्तरित्या माजी सलामीवीर फलंदाज वीरेंद्र सेहवाग आणि ऋषभ पंत यांच्या नावावर आहे. सेहवाग आणि ऋषभ पंत या दोघांनी प्रत्येकी 90 षटकार लगावले आहेत. त्यानंतर दुसऱ्या स्थानी माजी कर्णधार आणि फलंदाज रोहित शर्मा विराजमान आहे. रोहितने 88 षटकार लगावले होते. तर आता जडेजाने तिसऱ्या स्थानी झेप घेतली आहे.

पाचव्या विकेटसाठी द्विशतकी भागीदारी

दरम्यान रवींद्र जडेजा आणि ध्रुव जुरेल या दोघांनी पाचव्या विकेटसाठी द्विशतकी भागीदारी केली. त्यामुळे भारताला पहिल्या डावात 400 पार मजल मारता आली. जुरेल-जडेजा जोडीने पाचव्या विकेटसाठी 331 बॉलमध्ये 206 रन्सची पार्टनरशीप केली. ध्रुव 125 धावा केल्या. तर त्याआधी केएल राहुल याने 100 धावा केल्या होत्या. अशाप्रकारे भारतासाठी एकाच दिवसात तिघांनी शतक करण्याची कामगिरी केली.