सावंतवाडीतील प्रसिद्ध किराणा व्यावसायिक आत्माराम बांदेकर यांचे निधन.

सावंतवाडी : शहरातील गवत मार्केटमधील प्रसिद्ध किराणा व्यावसायिक आत्माराम गोविंद बांदेकर (वय ६४) यांचे आज दुपारी दुःखद निधन झाले. ‘बाबा बांदेकर’ या नावाने ते शहरात सुपरिचित होते. गेली अनेक वर्षे त्यांनी गवत मार्केट येथे यशस्वीरित्या आपला किराणा व्यवसाय चालवला.
त्यांच्या पश्चात विवाहित मुलगा, मुलगी आणि सुना असा मोठा परिवार आहे. ते प्रसिद्ध क्रिकेटपटू राजन नाईक यांचे भाऊजी होत.
आत्माराम बांदेकर यांच्या निधनाने सावंतवाडी शहरातील व्यापारी वर्गात शोककळा पसरली आहे. ते आपल्या मनमिळाऊ स्वभाव आणि प्रामाणिक व्यवसायासाठी ओळखले जात होते. त्यांच्या जाण्याने शहराने एक चांगला व्यावसायिक गमावला आहे, अशा भावना नागरिक व्यक्त करत आहेत.