ग्रह काय म्हणतात? –
ग्रहांचा सेनापती मंगळ ग्रहाला साहस, वीरता तसेच पराक्रमाचे प्रतिक मानले जाते. ज्योतिषशास्त्रानुसार मंगळ हा उर्जेचेही प्रतिक असते. मंगळ ग्रह ज्या राशीत प्रवेश करतो त्या राशींवर तो वेगवेगळा परिणाम करतो. मंगळ ग्रहाच्या गोचरमुळे काही राशींना लाभ होतो तर काही राशींवर नकारात्मक परिणाम पडतो. काही राशींना संघर्षाचा समावेश करावा लागतो. मंगळ ग्रह येत्या 14 सप्टेंबर रोजी तुळ राशीत प्रवेश करणार आहेत.
मंगळ ग्रह सप्टेंबर महिन्यात चाल बदलणार! –
ज्योतिषशास्त्रानुसार मंगळ ग्रह 28 जुलैपासून कन्या राशीत आहे. मंगळ ग्रह येत्या 13 सप्टेंबरपर्यंत कन्या राशीत राहणार आहे. त्यानंतर 14 सप्टेंबर रोजी तो तुळ राशीत प्रवेश करेल. पुढे हा ग्रह 45 दिवसांसाठी तुळ राशीत असेल. मंगळ ग्रहाला सेनापतीचा दर्जा आहे. सध्या हा ग्रह कन्या राशीत आहे. कन्या राशीचे स्वामी हे बुधदेव असतात. मंगळ आणि बुध यांच्यात शत्रूत्त्व असते. तरीदेखील मंगळ ग्रहाचे कन्या राशीतील गोचर काही राशींसाठी लाभदायक ठरू शकते. सध्या एकूण तीन राशींसाठी चांगले दिवस आहेत.
वृषभ राशी – सध्या मंगळ ग्रहाच्या स्थितीमुळे वृषभ राशीच्या लोकांना काही चांगली बातमी मिळू शकते. या काळात नवी संपत्ती किंवा नवे वाहन खरेदी करण्याचा योग येऊ शकतो. वृषभ राशीच्या लोकांच्या उत्पन्नात वाढ होईल तसेच नोकरीत बढती मिळण्याची शक्यता आहे. या काळात विचार करूनच निर्णय घ्यावेत.
