दोडामार्ग: तेरवण-मेढे महाशिवरात्रीच्या पावन पर्वावर दोडामार्ग तालुक्यातील भाविकांचे श्रद्धास्थान असलेल्या तेरवण मेढे येथील जागृत देवस्थान श्री देव नागनाथ मंदिरात भाजप युवा नेते विशाल परब यांनी दर्शन घेतले.
यावेळी त्यांनी श्री नागनाथाच्या चरणी लीन होऊन जनसेवेसाठी आणि भागाच्या प्रगतीसाठी साकडे घातले. दर्शनानंतर त्यांनी उपस्थित भाविकांशी आपुलकीने संवाद साधला आणि देवस्थान कमिटीने केलेल्या उत्तम नियोजनाचे विशेष कौतुक केले.
यावेळी त्यांच्यासोबत भाजपचे नगराध्यक्ष चेतन चव्हाण, तालुकाध्यक्ष तथा जिल्हा परिषद सदस्य दीपक गवस, माजी तालुकाध्यक्ष रंगनाथ गवस, पंचायत समिती सदस्य संजय सातार्डेकर, पंचायत समिती सदस्य सोनिया नाईक,
युवा मोर्चा अध्यक्ष पराशर सावंत, शहराध्यक्ष राजेश फुलारी, तसेच उपाध्यक्ष आनंद तळणकर , चेतन आजगावकर, शिरिष नाईक, समीर लोंढे, प्रेमानंद देसाई, वैभव सुतार यांसह देवस्थान कमिटीचे अध्यक्ष देवू गवस, जयराज गवस, प्रदिप गवस, आणि सुनिल गवस आदी मान्यवर व ग्रामस्थ उपस्थित होते.
