अहमदाबाद : टीम इंडियाने सूर्यकुमार यादव याच्या नेतृत्वात इतिहास घडवला आहे. टीम इंडियाने नरेंद्र मोदी स्टेडियममध्ये न्यूझीडंवर एकतर्फी फरकाने मात करत आयसीसी टी 20i वर्ल्ड कप 2026 ट्रॉफीवर आपलं नाव कोरलं आहे. टीम इंडियाने न्यूझीलंडसमोर 256 धावांचं विक्रमी आव्हान ठेवलं होतं. मात्र टीम इंडियाच्या गोलंदाजांसमोर न्यूझीलंडला पूर्ण 20 ओव्हरही खेळता आलं नाही. टीम इंडियाने न्यूझीलंडला 19 ओव्हरमध्ये 159 रन्सवर गुंडाळलं. भारताने यासह सूर्यकुमार यादव याच्या नेतृत्वात पहिल्याच झटक्यात वर्ल्ड कप जिंकला. तसेच भारताची ही टी 20i वर्ल्ड कप चॅम्पियन होण्याची सलग दुसरी तर एकूण तिसरी वेळ ठरली. भारताने 2024 साली रोहित शर्मा याच्या नेतृत्वात दक्षिण आफ्रिकेवर मात करत 17 वर्षांनंतर पहिला टी 20i वर्ल्ड कप जिंकला होता. त्याआधी महेंद्रसिंह धोनी याने भारताला 2007 साली पहिल्याच झटक्यात ही ट्रॉफी जिंकून दिली होती.
टीम इंडियाचा 2024 पासून टी 20i वर्ल्ड कपमधील 16 वा विजय –
भारताचा हा आयसीसी टी 20i वर्ल्ड कप स्पर्धेतील 17 वा सामना होता. भारताने न्यूझीलंडला पराभूत करत 2024 पासूनचा हा 16 वा विजय ठरला. तर भारताला एकमेव सामना हा दक्षिण आफ्रिकेविरुद्ध सुपर 8 फेरीत नरेंद्र मोदी स्टेडियममध्ये गमावला.
भारत टी 20i वर्ल्ड कपमधील सर्वात यशस्वी संघ –
टीम इंडियाचा हा आयसीसी टी 20i वर्ल्ड कप स्पर्धेच्या इतिहासातील हा 61 वा सामना होता. टीम इंडियाने 61 सामन्यांमधील 45 वा विजय ठरला.
टीम इंडियाची बॅटिंग –
न्यूझीलंडने टॉस जिंकून भारताला बॅटिंगसाठी भाग पाडलं. भारताने या संधीचा फायदा घेत न्यूझीलंडसमोर धावांचा डोंगर रचला. भारताने 20 ओव्हरमध्ये 5 विकेट्स गमावून 255 धावांचं डोंगर उभा केला. भारतासाठी संजू सॅमसन याने सर्वाधिक 89 धावा केल्या. इशान किशन याने 54 तर अभिषेक शर्मा याने 52 धावांचं योगदान दिलं.
हार्दिक पंड्या 18 धावांवर बाद झाला. तर अखेरच्या क्षणी शिवम दुबे याने फटकेबाजी करत फिनिशिंग टच दिला. शिवमने 20 व्या ओव्हरमध्ये एकट्याने 24 धावा करत एकूण आणि नाबाद 26 धावा केल्या. तर तिल नॉट आऊट 8 रन्स केल्या. न्यूझीलंडसाठी जेम्स निशाम याने सर्वाधिक 3 विकेट्स मिळवल्या. तर मॅट हेन्री आणि रचीन रवींद्र या दोघांनी प्रत्येकी 1-1 विकेट मिळवली.
