युवा नेते विक्रांत सावंतांची संकल्पना लई भारी! ; जागतिक पर्यावरण दिनानिमित्त दोडामार्ग येथे उद्या वृक्ष लागवडीची वारी!

दोडामार्ग : जागतिक पर्यावरण दिनाचे औचित्य साधून दोडामार्ग इंग्लिश स्कूल व ज्युनिअर कॉलेज, दोडामार्ग येथे शुक्रवार, दिनांक ५ जून २०२६ रोजी सकाळी ९ वाजता भव्य वृक्षारोपण समारंभाचे आयोजन करण्यात आले आहे.
शिक्षण प्रसारक मंडळ सावंतवाडीचे अध्यक्ष तथा जिल्हा परिषद सिंधुदुर्गचे सदस्य श्री. विक्रांत विकासभाई सावंत यांच्या संकल्पनेतून हा उपक्रम राबविण्यात येत असून, स्वर्गीय विकासभाई सावंत यांच्या प्रेरणेतून पर्यावरण संवर्धनाचा संदेश समाजापर्यंत पोहोचविण्याचा प्रयत्न करण्यात येणार आहे.
“एक झाड… एक भविष्य” या संकल्पनेवर आधारित या उपक्रमाद्वारे विद्यार्थ्यांमध्ये पर्यावरण संरक्षणाबाबत जनजागृती निर्माण करणे, वृक्षसंवर्धनाचे महत्त्व पटवून देणे आणि निसर्गाशी नाते अधिक दृढ करणे हा मुख्य उद्देश आहे.
यावर्षीच्या जागतिक पर्यावरण दिनाची “प्लास्टिक प्रदूषणाला समाप्त करूया (Beat Plastic Pollution)” ही संकल्पना लक्षात घेऊन वृक्षारोपणाबरोबरच पर्यावरण रक्षणाचा संदेशही देण्यात येणार आहे.
“आजची आपली प्रत्येक कृती उद्याचे भविष्य घडवणार आहे. आपण जपलेला निसर्गच भावी पिढीचे जीवन फुलवणार आहे. हवा, पाणी आणि जमीन ही केवळ आपली मालमत्ता नसून पुढील पिढ्यांची अमूल्य ठेव आहे,” असा संदेश आयोजकांनी दिला आहे.
या वृक्षारोपण समारंभासाठी प्रशालेतील सर्व शिक्षक, शिक्षकेतर कर्मचारी, पालक आणि विद्यार्थ्यांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे. 🌱🌍
स्थळ : दोडामार्ग इंग्लिश स्कूल व ज्युनिअर कॉलेज, दोडामार्ग
दिनांक : ५ जून २०२६
वेळ : सकाळी ९.०० वाजता