सावंतवाडी : गावाच्या विकासासाठी लोकप्रतिनिधींचा पाठपुरावा आणि ग्रामस्थांची एकजूट यांचा सुरेख संगम झाला की, विकासाची चाके अधिक वेगाने फिरतात. याच विकासदृष्टीचा प्रत्यय गावडेवाडी येथे स्मशान शेड मंजूर झाल्याने आला आहे. जिल्हा परिषद सदस्य विक्रांत सावंत यांच्या जनसुविधा योजनेतून गावडेवाडी येथील स्मशान शेडला मंजुरी मिळाली असून, या कामामुळे ग्रामस्थांची दीर्घकाळची महत्त्वपूर्ण गरज पूर्ण होणार आहे.
गावडेवाडीच्या विकासासाठी सातत्याने पाठपुरावा करणारे सरपंच श्री. गुणाजी गावडे यांच्या प्रयत्नांना जिल्हा परिषद सदस्य विक्रांत सावंत यांनी खंबीर साथ दिली. ग्रामस्थांच्या मूलभूत सुविधांना प्राधान्य देत त्यांनी या मागणीची दखल घेत संबंधित स्तरावर सातत्याने पाठपुरावा केला. अखेर त्यांच्या प्रयत्नांना यश येत स्मशान शेडच्या कामाला मंजुरी मिळाली आहे.
‘गुणाजी गावडे यांच्या पाठीशी सदैव खंबीर!’
गावडेवाडीच्या विकासाचा हा प्रवास केवळ एका कामापुरता मर्यादित न ठेवता, सरपंच गुणाजी गावडे यांच्या पाठीशी खंबीरपणे उभे राहून गावाच्या सर्वांगीण विकासासाठी यापुढेही सातत्याने काम करत राहणार, अशी भूमिका जिल्हा परिषद सदस्य विक्रांत सावंत यांनी व्यक्त केली आहे.
गावातील रस्ते, पाणी, स्वच्छता, मूलभूत सुविधा आणि नागरिकांच्या दैनंदिन गरजांशी निगडित प्रश्नांना प्राधान्य देत विकासकामांना चालना देण्याचा प्रयत्न राहणार असल्याचेही यावेळी सांगण्यात आले.
स्मशान शेडमुळे ग्रामस्थांना मोठा दिलासा
गावातील नागरिकांच्या दृष्टीने अत्यंत संवेदनशील आणि आवश्यक असलेल्या स्मशानभूमीच्या ठिकाणी शेडची सुविधा उपलब्ध झाल्यामुळे अंत्यविधीच्या वेळी ग्रामस्थांची होणारी गैरसोय मोठ्या प्रमाणात कमी होणार आहे. पावसाळा असो अथवा कडक उन्हाळा, अंत्यविधीच्या वेळी कुटुंबीय व ग्रामस्थांना आवश्यक निवारा मिळणार असल्याने या कामाचे विशेष महत्त्व आहे.
“गावाचा विकास हा केवळ आश्वासनांचा विषय न राहता प्रत्यक्ष कृतीत उतरला पाहिजे,” या भावनेतून विक्रांत सावंत यांनी या कामासाठी पुढाकार घेतल्याचे ग्रामस्थांकडून सांगण्यात आले.
विकासाच्या वाटेवर गावडेवाडीची वाटचाल!
स्मशान शेडच्या मंजुरीमुळे गावडेवाडीच्या विकासाच्या शिरपेचात आणखी एक मानाचा तुरा रोवला गेला आहे. सरपंच गुणाजी गावडे यांच्या नेतृत्वाला विक्रांत सावंत यांची मिळणारी साथ आणि ग्रामस्थांचा सक्रिय सहभाग यामुळे गावातील आणखी विकासकामांना गती मिळण्याची अपेक्षा व्यक्त होत आहे.
या महत्त्वपूर्ण कामासाठी मा. विक्रांत सावंत यांचे सहकार्य व पाठबळ मिळाल्याबद्दल सरपंच गुणाजी गावडे तसेच समस्त गावडेवाडी ग्रामस्थांच्या वतीने त्यांचे मनःपूर्वक आभार व्यक्त करण्यात आले.
गावडेवाडीच्या विकासाची ही वाटचाल अशीच अविरत सुरू राहो आणि लोकप्रतिनिधी व ग्रामपंचायतीच्या समन्वयातून गावाच्या विकासाला नवी दिशा मिळो, अशी अपेक्षा ग्रामस्थांतून व्यक्त होत आहे.
