कलंबिस्त हायस्कूलच्या मंदार, वेदांत या कॅडेट्सनी राष्ट्रीय स्तरावरील एनसीसी कॅम्प यशस्वीरित्या केला पूर्ण

सावंतवाडी : ‘एक भारत-श्रेष्ठ भारत’ उपक्रमांतर्गत इ.बी.एस्.बी. हा राष्ट्रीय स्तरावरील एन्.सी.सी.कॅम्प जळगाव येथे 14 ऑक्टोबर ते 25 ऑक्टोबर या कालावधीत संपन्न झाला. या कॅम्पसाठी कलंबिस्त हायस्कूलच्या इयत्ता नववीतील मंदार सत्यविजय राऊळ व वेदांत सुभाष राऊळ या दोन विद्यार्थ्यांची निवड करण्यात आली होती. या विद्यार्थ्यांनी सदर कॅम्प यशस्वीरित्या पूर्ण केला. त्यांचे प्रशालेतर्फे अभिनंदन करण्यात आले. या विद्यार्थ्यांना 2 MAH NAVAL UNIT NCC रत्नागिरीचे कमांडिंग ऑफिसर श्री. राजेश कुमार, अंकित रवी तसेच एन्.सी.सी.ऑफिसर तथा प्रशालेचे मुख्याध्यापक अभिजीत जाधव व सहाय्यक शिक्षक विलास चव्हाण यांचे मार्गदर्शन लाभले.