सावंतवाडी : सार्वजनिक बांधकाम विभाग, सावंतवाडी येथे सहाय्यक अभियंता श्रेणी-२ म्हणून कार्यरत असलेले प्रमोद लोहार यांची पदोन्नतीने उपविभागीय अभियंता (Deputy Engineer), मुंबई या पदावर नियुक्ती झाली आहे. त्यांच्या कार्यक्षम आणि उल्लेखनीय सेवेला मिळालेली ही पदोन्नती मानली जात असून, त्यांच्या सहकाऱ्यांसह मित्रपरिवारातून त्यांच्यावर अभिनंदनाचा वर्षाव होत आहे.
प्रमोद लोहार हे मूळचे ३२ शिराळा, जिल्हा सांगली येथील असून, सार्वजनिक बांधकाम विभागात त्यांनी आपल्या कार्यकाळात जबाबदारीने आणि कार्यतत्परतेने सेवा बजावली. सावंतवाडी येथे सहाय्यक अभियंता म्हणून कार्यरत असताना सार्वजनिक बांधकामाशी संबंधित विविध कामांमध्ये त्यांनी महत्त्वपूर्ण भूमिका बजावली.
शासकीय सेवेत प्रामाणिकपणा, कामातील सातत्य आणि जबाबदारीची जाणीव या गुणांच्या जोरावर त्यांनी आपल्या कार्याची वेगळी छाप निर्माण केली. त्यांच्या कामाची दखल घेत त्यांना आता मुंबई येथे उपविभागीय अभियंता म्हणून पदोन्नती मिळाली आहे.
सावंतवाडी येथील सार्वजनिक बांधकाम विभागातून मुंबईतील महत्त्वाच्या पदावर झालेली ही पदोन्नती त्यांच्या कारकिर्दीतील महत्त्वाचा टप्पा मानला जात आहे. या नव्या जबाबदारीतही ते आपल्या कार्यकौशल्याने उत्तम कामगिरी बजावतील, असा विश्वास व्यक्त केला जात आहे.
प्रमोद लोहार यांच्या पदोन्नतीबद्दल सार्वजनिक बांधकाम विभागातील अधिकारी-कर्मचारी, सहकारी, मित्रपरिवार आणि हितचिंतकांकडून हार्दिक अभिनंदन करत पुढील वाटचालीसाठी शुभेच्छा देण्यात येत आहेत.
