सावंतवाडी : भाजपचे जिल्हा उपाध्यक्ष तथा माजी नगराध्यक्ष संजू परब यांनी नगराध्यक्ष म्हणून अतिशय वाखाणण्याजोगे आणि विधायक कार्य केले आहे. पक्ष संघटनेमध्ये त्यांचे काम हे आदर्शवत आहे. त्यांनी असेच चांगले काम भाजपाच्या संघटनेमध्ये करत राहावे. त्यांचे राजकीय भवितव्य अत्यंत उज्ज्वल आहे. त्यांच्या मनातील इच्छा परिपूर्ण होईल, असे मत भाजपचे जिल्हाध्यक्ष प्रभाकर सावंत यांनी बॅरिस्टर नाथ पै सभागृहात संजू परब यांच्या अभीष्टचिंतन सोहळ्यात व्यक्त केले.
यावेळी अन्य उपस्थित सर्व मान्यवरांनी संजू परब यांचे आमदार होण्याचे स्वप्न निश्चितच पुरे होईल. आम्ही सर्व सहकार्य करू, असा विश्वास दिला. पालकमंत्री रवींद्र चव्हाण यांनी ‘संजू, मी तुझ्या पाठीशी आहे. फक्त काम करीत राहा’, अशा शुभेच्छा दिल्या. संजू परब यांचा वाढदिवस मोठ्या उत्साहात केक कापून साजरा करण्यात आला.
यावेळी व्यासपीठावर भाजप जिल्हा अध्यक्ष प्रभाकर सावंत, माजी आमदार राजन तेली, जिल्हा बँकेचे चेअरमन मनीष दळवी, व्हाईस चेअरमन अतुल काळसेकर, जिल्हा बँक संचालक महेश सारंग, माजी सभापती अंकुश जाधव, गुरुनाथ पेडणेकर, पंढरी राऊळ, प्रीतेश राऊळचंद्रकांत जाधव, रेश्मा सावंत, प्रमोद सावंत, परीक्षित मांजरेकर, सह्याद्री फाउंडेशनचे संस्थापक अध्यक्ष सुनील राऊळ, प्रताप परब, प्रल्हाद तावडे, शशिकांत मोरजकर, संतोष सावंत, सुहास सावंत, गजानन बांदेकर, शेखर गांवकर, भाजप शहराध्यक्ष अजय गोंदावळे, युवा मोर्चाचे बंटी पुरोहित, प्रमोद गावडे, महेश धुरी, उन्नती धुरी, राजू बेग आदी उपस्थित होते.
यावेळी माजी आमदार राजन तेली, जिल्हा बँकेचे चेअरमन मनीष दळवी, अतुल काळसेकर, महेश सारंग, गुरुनाथ पेडणेकर, प्रताप परब, सचिन पालव आदींनी शुभेच्छा दिल्या. यावेळी सावंतवाडी, वेंगुर्ला, दोडामार्ग तालुक्यातील अनेक गावांचे सरपंच तसेच जिल्ह्यातील संजू परब यांच्यावर स्नेह असलेले मान्यवर मोठ्या संख्येने उपस्थित होते. सह्याद्री फाउंडेशन व संजू परब मित्र मंडळ यांच्या वतीने हा कार्यक्रम करण्यात आला. कार्यक्रमाचे प्रास्ताविक सुनील राऊळ यांनी तर सूत्रसंचालन प्रा. रुपेश पाटील यांनी केले.
